وقت الإنسحاب
الكاتب /أشرف فتحي عبد العزيز
الوقت اللي تلاقي نفسك فيه لواحدك وقلبك موجوع يبقى هو ده وقت الإنسحاب...!
وقت ما تلاقيك اتقسمت إثنين يبقى ده وقت الإنسحاب..!
وقت ما تلاقي اللي جمبك مبقاش حاسك ولا فاهمك
يبقى ده وقت الإنسحاب..!
وقت ما تلاقي اللي منك بقى هو سبب حزنك ومشاكلك
يبقى ده وقت الإنسحاب..!
وقت ما تلاقي تعبك وسكوتك بيتفسروا بألف سبب كلها ضدتك يبقى ده وقت الإنسحاب...!
وقت ما تلاقي إهتمامك ومشاعرك لحد ملهمش لازمة عنده ولا فارقين معاه يبقى ده وقت الإنسحاب..!
وقت ما تلاقي قربك وبعدك زي بعض كأنك سراب وخيال يبقى ده وقت الإنسحاب...!
وقت ما الابتسامة تضيع من ملامحك منك منهم وعيونك تغيم بالحزن يبقى ده وقت الإنسحاب...!
وقت ما تلاقي إحتياجهم ليك بقى زي الوقت وإنك بقيت تشبه الساعة لما يكون عندهم حاجة مهمة كل شوية عنيهم عليها لتروح منهم يبقى هو ده وقت الإنسحاب....!
وقت ما يكونوا عايشين حياتهم ومكبرين دمغهم من ناحيتك و يبقى الوقت عندهم مش مهم يضيع ازاي يبقى هو ده وقت الإنسحاب...!
وقت ما تلاقي حبك بقى وجعك يبقى هو ده وقت الإنسحاب....!
علشان قلبك يرجع يدق .....!
