الحق والباطل بقلم محمد عنانى

الحق والباطل

بقلم محمد عنانى
مابين الحق والباطل

أمور كافيه
وباينه للى يتساءل
ماهيش خافيه
وليه الناس بتتجادل
بدون لازمه
ونخلق بس فى مشاكل
ومية أزمه
وتوصل حتى تتقاتل
عشان كلمه
وليه مع بعض نتعامل
وبالقسوه
وفى قلوبنا سواد عامل
حيطان جفوه
ولو بينا يكون عاقل
وليه حكمه
يوضح للى كان جاهل
مع الرحمه
وإيه فى الدنيا يستاهل
عشان ننسى
لمعنى الود نتبادل
يكون مرسى
بكل الحب نتواصل
ولا نقسى
ونرجع تانى نتجامل
وبالحسنى
ولما لبعض حنقابل
وشوش صافيه
وتبقا نفوسنا فى الداخل
كمان راضيه