أوراق للشاعر ابراهيم منصور جبر

من حقيبة الذكريات

أوراق
 للشاعر ابراهيم منصور جبر
( 1)..
أنسي..
ف حياتى ..
حاجات،،
وحاجات ..
تفكّرنى بحاجات
العمر دوخه عشان..
اﻷرض كرويّة!:..
-غمّضي،،
واسرحى..
ف سرداب خيالك..
إرسمى..
للقلب صورة،،
وهو بجناح الملاك..
جوّة عالم ..
فيه اﻷمانى..
بتيجى ..
من قبل التمنّى!.

( 2)..
فتّحى،،
وأسألى العالم بقلبك
عن وطن..
عن حبيب..
عن ذكريات..
واستنِّى..
أوجاع اﻹجابة..
بعد ماتشيب الدفاتر،،
والمشاعر..
تبقى..
صورة لحلم باهت.
من قديم العمر!.

( 3)..
تانى ..
مش قادره الثّوانى
تنّسي..
لحظه حنيّنة
متجنّنة..
كل الخواطر..
بين القبول ،
والرفض..
الدنيا..
وعد من الوفا،،
ولّا..
وعد من اﻷسى
ليه الحواديت كلها
متشبّكة..
ف جوف الملامح!.

( 4)..
كنت أتمنّى..
أحس بحضنك..
مش خايف..
من أحضان فاتت؟.
إترجيتك..
كان نفسى..
تكون أخر قصّة ..
شايلة لجرحى..
نهاية سعيدة
أحضان قبلك..
أحضان..
اتفتحت من بعدك،،
ومفيش حد هيفهم أبداً
أنا ليه أتمسكت بحبك؟!.