فَاَكِر لَمَاَ إِدِيتنَاَ الوَعد
بقلم محمد عنانى
فَاَكِر لَمَاَ إِدِيتنَاَ الوَعد
إِنَك تِبنى وبدون حَد
إِحنَاَ كَمَاَن وَفيِنَاَ العَهد
كُنَاَ إِيِديِنَاَ معَاَك باليد
وعَلَى رِقَاَبنَاَ حَبل إتشَد
كُنَاَ يَاَدُوب مَاَشيِن عَاَلقَد
لِيل ونهَاَر فِى الشَقَاَ والكَد
كل أمالنا نِشُوف الغَد
بَدَل الشُوك وَيَاَه الوَرد
لِيِه دِلوَقتِىِ جَاَى تِهد
لِلِى بَقَاَلنا سنين بِنعِد
على أحلامنا تدوس وتمِد
تِقطَع كُل معَاَنِىِ الود
مِن دَمِنَاَ تَاخُد وِ تعِد
كُلُه ف بَطن الحُوت يِترَد
أَمَاَ مَرَاَرنَاَ قَفَاَق الحَد
وِالجَفَاَ أصبح كُل الرَد
وإِتعَرِيِنَا فى عِز البَرد
ولا عُدنَاش نِستحمِل صَد
وكَلاَمى رَاَح أقوله بِجَد
إِحنَاَ دَخَلنَاَ فى حَاَره سَد
وبَعد الجَزر أكيِد فِيِه مَد
والطُوفَاَن مَاَ بِيعرَف حَد
