ما تسأليش للشاعر ماهر محمود

ما تسأليش

 للشاعر ماهر محمود
ما تسأليش ليه إفترقنا...
ولا تسألي مين فينا باع.
إحنا كان مكتوب فراقنا.
يوم مابينا الحب ضاع.
كله كدب  كله. خداع.
عمر الحب ماكان صراع.
إبكي ياقلبي علي الحنيه.
خدت نصيبك من الأوجاع.
ما تسأليش ليه  إفترقنا.
ولا تسألي مين فينا باع.
كنت حرمني رضاك وحنانك.
كنت دايما قاسي عليه.
بعت الدنيا بحالها علشانك..
ولا حسيت في يوم بيه.
ماتسأليش ليه إفترقنا
ولا تسألي مين فينا باع
ياما شكيت قسوة حرمانك.
وإنت تزيد في ظلمك ليه.
إياك فاكرني مخلوق علشانك. .
تأمر ولازم حكمك فيه....
كفايه بقي من الحب أوجاع.
وكفايه عمر في حبك ضاع.
كنت واهب لك كل حياتي.
ليه تعيشني معاك في صراع.
ماتسأليش ليه أفترقنا.
ولا تسألي مين فينا باع...
كلمات ماهر محمود.....