كتب : سامى ابورجيلة
قالها الرئيس عالية مدوية اليوم فى تخريج الدفعة الأولى من كلية طب القوات المسلحة .
حيث قال سيادته :
أنا ليس لي أي جهة تتكلم بإسمي ، وليس لي حزب يتكلم بإسمي بلاش من فضلكم تضحكوا على الشعب بإسمي .
أنا بتكلم بصوتي مع الشعب إللي إختارني ، لما طلبت تفويض طلبت بصوتي مش بإسمي.
إلى كل المسؤولين : " مش عاوز حد يجامل بإسمي "
أنا عمري ما جاملت مخلوق
كرر الرئيس عبدالفتاح السيسي
تحذيره للمسئولين والمصريين من أتباع أسلوب المجاملة، وقال خلال كلمته في الحفل الذي عقد بمركز المنارة بالتجمع الخامس
من فضلكم مش عاوز حد يجامل باسمي". أنا بخاطب كل المصريين
"أوعوا تفتكروا إن النجاح طريقه سهل، لو جاملت حد هيفضل متخيل إن مفيش طريق للنجاح غير المجاملة"
من فضلكم لتالت مرة بقولها
والله والله والله عمري ما جاملت مخلوق وأنا في الجيش
أنا بطالب بعدم المجاملة في أي أمر يتعلق بالعمل العام داخل الدولة بـ إسمي وبشدد على أن
"المجاملة تساوي الفساد"
أنا عاوز ميكنة الإختبارات في الكليات خلال عامين من الآن للحد من المجاملة وإعطاء كل ذي حق حقه.
"علشان محدش يقول أصله إبن فلان".
الرئيس السيسي بطلب من الجميع الموافقة على طلبي واللي له رأي يتفضل يتكلم .
كلنا هنا من أجل مصر ومن اجل شعب مصر .
بعد تلك الكلمات الواضحات وضوح الشمس من الزعيم أرجو ان تختفى وللأبد نغمة ( حزب الرئيس ...رجال الرئيس .. )
شكرا سيادة الرئيس ، ونحن معك فى القضاء على الفساد والمحسوبية .