أصعب أيام حياتي
كلمات/ أيمن البكري
طيب يالا مع السلامه
من غير حتي إبتسامه
مبقاش ليكي ف حياتي وجود
إديتلك فرص ياما
علي طول خيبتي ظني
وخلفتي كل الوعود
معايا جبتي أخرك
أنا مابقتش فاكرك
وشطبتك من ذكرياتي
أنا لما بتيجي سيرتك
وتعدي ف بالي صورتك
بفتكر أصعب أيام حياتي
سلمتك قلبي وفديتك بروحي
هديتي حلمي وحطمتي طموحي
تزيدي في القساوه ومصمم أبقا جنبك
وبمنتهي السذاجه مكمل ف حبك
شكرا" علي كل حاجه
شكرا" ياسبب جروحي
وأنا ياما كتير حلفت
أبعد ومقدرتش علي البعاد
وألاقيني ف لحظه رجعت
إتهانت و إتوجعت
وتزيدي في العناد
خلاص بطلت أسامحك
علم جوايا جرحك
عيشتي قلبي في حداد
أيام وسين طويله
كان لا مالكيش بديله
بنتلك أحلام كتيره
مقدرتش أنفذ
طلباتك المستحيله
لا مش هدفع مهر غالي
ولا هبني قصر عالي
ولا هسهرلك ليالي
يامولاتي الاءميره
سنين أنا عشت ليكي
عاشق مخلص شاريكي
شفتيني قدام عنيكي
وأنا بتكسرني الظروف
محستش الحزن فيكي
ولا للحظه إتهزيتي
أهو جاه الدور عليكي
تدوقي طعم الاءلم والخوف