عاميه
ابعد عن الندل
بقلم محمد عبد الحميد السيد
... اسمع كلامي وسيبك
.. من اللي غدر بيك وباعك
.. دور على صاحب واحد بس يكون جدع
.. انت فرحان بكتر أتباعك؟؟؟
... والدنيا لو في يوم غدرت بيك
.. تلاقيه في ظهرك سندك ودراعك
.. اتعلم من تجاربك
... وافتكر دايما اللي
... اتسبب يوم في أوجاعك
...افهم كلامي بقى يا صاحبي
...فوق بقى وأصحى من صداعك
... الصاحب الجدع سند حقيقي
... عمره ما يفكر يوم في خداعك
... اسمع كلامي ومتصاحبش ندل
... كل هدفه هيكون من
.... الغدر اشباعك
... ابعد عن الخسيس وخليه بعيد عنك
... اسمع نصيحتي وريح دماغك
... عيش حياتك بطولها وعرضها
.. بس خليك فاهم الندل عمره
... ما كان بتاعك
... صاحب راجل يحمي ظهرك
... ويشتريك لو اللي منك
.... في يوم غدر بيك أو باعك
... الصاحب الجدع عمله نادرة
... يفديك بنفسه وهتلاقيه
... شبهك في أخلاقك وطباعك
... أنا نصحتك يا صاحبي
وانت خليك عارف وفاهم
... مين اشتراك ومين باعك