فى ذكرى نصر أكتوبر العظيم أهدي هذه الأبيات ألى جيش مصر البطل وشعب مصر العظيم ولروح كل الأبطال الذين ضحوا بدمائهم من أجل ان نحيا كراما
بقلم محمدابوالحسن
ذكرى نصرأكتوبرالعظيم
الساعة إتنين الظُهر
عبرنا
وكان النصر فى يومها
قدرنا
لمَّا الجيش والشعب
إتحدوا
خدنا التار والمولى
نصرنا
رجَّعنا الأرض وصُنا
العرض
ولابارليف ولاغيرُه
منعنا
ست ساعات غيَّرِت
الدُنيا
ورِجْعِت لينا ثقتنا
فى ذاتنا
كسَرْنا غرور أعدائنا
بإيدنا
والتوقيت كان سِر
قادِتنا
رفعوا الراية ورفعوا
هاماتْنَا
وجبنا الحق كمان
لإخواتنا
ستة اكتوبر يوم مش
عادي
هو دا أول ميلادي
وكرامة وعزة لبلادي
ومجد لينا ولأحفادنا
لما إنبهر العالم كله
بعزيمة جيشنا وأولادنا
وتحدي وإصرار قادتنا
على نصر يحقق أمانينا
ويرجع لنا كل سينا
ونرفع عليها راياتنا
صبحِت سينا خلاص
فى إيدينا
حررَّناها و كُل تُرابنا
وادينا درس لأعادينا
إن ترابنا غالي علينا
وترخصله حتى حياتنا
هيَّه دي مصر الحُرة
الباقية
لمَّا. نقوم.و نلٍّم. شتاتنا
مش هنسيب حد يفرَّقنا
ولاحد تاني يسرقنا
ولا عاوزين حد ينسينا
إن اليوم ده من أعيادنا
ولا نِنسه إلِّلي ضحوا
ليناْ
وهنترحَّم على شهداءنا
ولا ننساش التار الأكبر
ونذكًّر بيه على طول
أولادنا
لمَّا القُدس فى يوم
تتحرًّر
ونزيِّنها بكل راياتنا
ونعيد للأمة العربية
عزجدودها وانتصاراتها
ونرجع من تاني
حدودها
ونعيش بكرامة حياتنا
مش لازم ننسى
حق إخواتنا
