سامحني يا حبيبي
كلمات/أيمن البكري
سامحني يا حبيبي
ما كنش قصدي اجرحك
لما قولتلك نبعد
كنت عايزه أريحك
ليه من البدايه
ماكنتش صريح معايا
عيشتني ف أحلام جميله
ويدوب ف يوم وليله
أصحي علي الحقيقه
إن إنته ف ماضيك
كان فيه شريك
بتقول حكمت الظروف عليك
إنك ترجعلها
طيب ماقولتليش ليه كده ف وقتها
مش هقبل إني أكون كماله لضلها
مش هبقي واحده رخصت نفسها
قولتي كل إل عندك
شايفاني ليه بعاندك
تحيه كبيره لقلبك
علي الصبر وعلي الصمود
حبيتي واحد خاين
خلف كل الوعود
مش داه إل عقلك
ديمن مصوروهلك
علي طول مكدباني
وشكك مالوهوش حدود
شايفاني ضعيف جبان
مش قادر أخد قرار
أصلك ماحستيش
بذل وإنكسار
قدامي حب عمري
وماضي زمان سايبلي
٣ أحلام صغار
ومطلوب دلوقت مني
إني مابينهم أختار
يعني إنته شايف
نفسك الضحيه
ياخوفي لايكون
داه فصل ف مسرحيه
أيوه أنا علي طول
حاسه إنك بتكدب عليا
وإوعاك تنسي
إنك كدبت مره
وإنك بسببك حياتي
بقت صعبه ومره
خلاص أنا قررت
إن أبعد وأنساك
مش هقبل أبقا نسخه تانيه
تفصلها علي هواك
بلاش تعيش دور الفدائي
وتشوفني أنا إل ضاله
داه قرار نهائي
وأنا عليه مصره
هأقولك إيه براحتك
بتقولي إني جرحتك
ما أنا ياما كتير سامحتك
من غير تفكير
متقوليش أنا إل بعتك
ولا حتي ف يوم خدعتك
ف وجعك إتحملتك
وغلطي فيا كتير
قلبك كان أناني
مالقتش فيه مكاني
وأنا قلبي ليه أسير
قبل ما تسبيني
طيب كنتي إسأليني
كان ممكن نلاقي حل بديل
إذاي دلوقتي عايزاني
أشوفك مع حد تاني
داه شئ صعب عليا ومستحيل