**عاميه **
" قالو اللبس حريه وتحرر "
بقلم محمد عبدالحميد السيد
.. قالو حرية في اللبس ع الموضه
... قلت تلبس اللي
... يصون كرامتها
... قالو اهدا كده و روق من حقها
.... تلبس وتتزوق
... قلت كلامكم صحيح لكن
... دا في قلب بيتها
... قالو بردو اللبس والزواق
... بيفرق في جمالها
... قلت لهم الحشمة بتزود حلاوتها
... قالو دي موضه وتحرر
... قلت وماله تعيش بحرية
... بس جوه شقتها
..
.. قالو حقها كل البنات بتعمل كده
... قلت وماله في بيتها
... تحط الاحمر والاخضر والازرق كمان
...وتتفنن كمان براحتها
... قالو اسكت انت دقة قديمة
... قلت الحشمه بتزود في عيني
... غلاوتها
... قالو انت عايش في سنة كم؟؟ يا عم
... قلت القيم والاخلاق ثابته
... من منابتها ولحد نهايتها
... قالو بطل عناد وخليك متفاهم
... قلت لو طاوعتكم مش هابقى راجل
... دا أنا هابقى خيبتها
... قالو ارحمنا وبطل عناد
... قلت لو طاوعتكم هدخل النار
... من ورا زينتها
... قالو كل واحد مسؤل عن نفسه
... قلت كل واحد مسؤل عن اهله
... ومسؤل كمان عن خطوتها
..
... قالو مفيش فايده معاك
... قلت مفيش فصال في تقاليدنا
... ومبادئنا
.. قالو مالك كل الناس بتلبس
... قلت كل واحده في رقبة راجل
... ويشيل مسؤليتها
... قالو مالك مصمم ليه فك شويه
... قلت خايف عليكم وعلى نفسي
.... من النار وحرقتها
... قالو ومش عايزين يبطلو قواله
... قلت ارحمونا بطلو زن كفايه
... انا عمري ما هابقى شورتها
.. انا مش رجعي ولا متخلف
... لكن صدقوني الحشمه بتزود
... حلاوتها
... الحشمه نور ووقار وتخلي
... الناس تحترمها في روحتها ورجعتها
... الحشمه هتخليكي زي جوهره
... تصونك من الذئاب ودنائتها
... هي خلاص الموضه بقت
... في نظركم لبس المقطع والمرقع!!!
... ولبس المكشوف هو ده اللي هيظهر
... حلاوتها؟؟
... غلطانه كل اللي تفكر بالطريقة
... دي الحشمة والوقار هيزودو
.... حلاوتها
... خلوها تمشي مع الموضة بردو
... بس تبعد عن المقطع والمرقع
.... واي شيئ يظهر أو يقسم مفاتنها
... انا عارف ان كلامي مش هيعجب ناس
... كتير لكن كتبته لكل بنت عايزه
... تحافظ على نقائها وبرائتها
... كلامي مجرد وجهة نظر
... وكل واحده تعيش بحريتها
...انا مش ضد الموضة والشياكه
... صدقوني الحشمة هتزود اناقتها
.. بقلمي محمد عبدالحميد السيد
...جمهورية مصر العربيه
...mohamed Abdelhamid Mohamed