( ملكت قلبى ) أغنيه عاطفيه
بقلم الشاعر :محمد غبن
الله ياغالى
بقيت شمعتى اللى
منوره ليا الليالى
خايف لكون بحلم
والقلب يعيش خالى
يبقي قتلت فرحته
ويعيش يلالى
إنت بالنسبه ليه
ضى ونهار
انت عمره وقلبه
اللى خد فيهم قرار
صعبه بعادك ومين
ساعتها هيكمل المشوار
وارجع واقولك افتكر
انت معايا من ساعة البدايه
متقتلش قلبى بهجرك
وتكون هيا دي النهايه
قلبي معاك مهما جرى
بس هتكون فين ياترى
هتسيب حياتى تضيع
وارجع اتوه ف بعادك للورا
قلبى معاك وهنعيش سوا
بلاش تضيع بإيدك قلوبنا
وتجنى علينا وتطفى شمعتنا
وتكون رسمت وقتها النهايه
خلينا نبتدى من البدايه
انا قلبي ليك سند وضلايه
انا قلبك عاشقك يامنايا
اوعاك يوم تكتب علينا النهايه
انت قمري ودنيتي انت الحكايه