ست البنات
بقلم :محمد عبد الحميد السيد
بنتي دي ست البنات
من يوم جات
الحزن مات
والوقت عدا وبسرعه فات
عشت معها أجمل اللحظات
دي النظرة منها تنسي الآهات
والبوسه منها سكر نبات
والحضن منها راحه وتبات
بتنام في حضني نحكي الحكايات
دي أميرة الأميرات
فرحة عنيها لمسة ايديها ولا في الروايات
دنا لوحكيت عن جمال قلبها هاحكي حكايات
تجري علي تبوسني من سكات
دي البوسه منها عسل وسكر نبات
بنتي دي ست البنات
بمشي معها تمسك ايديا بنسى
معاها الأهات
لو غيبت عنها لحظه
تعدي علي ساعات
بنتي دي ست البنات
لما تكبر وتبقى عروسه
هادعيلها ربي يهنيها
و تفرح بكل الأوقات
وتعيش سعيدة في تبات ونبات
ربي يحميها من العين
وتجيب بنات زيها كده حلوين وشربات
البنت رزق ولا أي رزق زي البنات
البنت فرحه ولا أي فرحه زي البنات
البنات جنه في قلب دنيا مليانه اهات
البنات نعمه من عند ربي أغلى النعمات
كبرت خلاص ست البنات
دنا بنتي دي ست البنات