عاميه
البنات نعمة
بقلم محمد عبدالحميد السيد
ياللي عندك بنات حطهم
في قلبك وعنيك
لو ربنا رزقك بالبنات
نصيحة مني شيلهم فوق راسك
البنت بحنيتها عليك هتبقى
كل أهلك وناسك
لما تكبر هتلاقي حنانها عليك
وتبقى هي صاحبك و ونسك
البنت نعمة من ربنا عليك
غير بقى كل فكرك وحساباتك
ياللي معاك البنات حطهم
في قلبك وجوه عنيك
بوجودهم معاك هتلاقي الدنيا كلها
رزق وبركه حواليك
البنت لو ربتها عالصلاح للجنة هتدخلك وتاخد بايديك
البنات في البيوت نور تنور نهارك و لياليك
ياللي ربنا رزقك بنات حطهم في قلبك وعنيك
في الشدة هتلاقيهم سند حقيقي وعون ليك
وفي الحزن هتلاقي البنت تضمك وتغمرك
بحنانها وتهون عليك
وتلاقي البيت والدنيا فرح وهنا حواليك
ياللي عندك بنات حطهم في قلبك و جوه عنييييك
بقلمي محمد عبدالحميد السيد
جمهورية مصر العربية