نَاَس عَاَيشَه
بقلم محمد عنانى
نَاَس عَاَيشَه على الِفطَره
وغِير الحَق مِش شَاَطَره
يِِجِيهَاَ الرِزق بالقَطرَه
وحَاَمده رَبَها وشَاَكره
وشَاَغله بَالها بِالآخره
وِليوم الحِساب فَاَكره
وكَمَان تِلقَاَ نَاَس تَانيه
فى حِبَاَل الحَياه مَاَسكه
وبِالمَاَل الحَرَام عَاَيشَه
وأمَا قلوبها دِى قَاسيه
وللآخرة تكون نَاسيه
ويِمكن للحساب نَاَكره
أو يمكن مَاَهِيش فَاكره
دَا بَعد الدُنيا فِيه آَخره
فِى يوم الحَق يوم الدِين
وفيه العَدل والمَوَازِين
أمَاَم رب العِبَاد وَاقفِين
ولحِمل الذنوب شَاَيلين
جَوَارحنا عَلينا شَاَهدين
ونَاَس تَاخُد كِتَابها يِمِين
فى الجَنه أكيد دَاَخلِين
أو يِمكِن شِمَال وَاخدِيِن
لِكتَاَبهم فِى نَاَر رَاَيحِين