ياأمي إنتي جنتي
كلمات محمد ابوالحسن
ياأمي إنتي جنتي
في الأرض قبل السما
دعوتك هياثروتي
ورضاكٍ عني كل المُنى
إتعذبتي كتيرعلشاني
وشاركتيني جميع
أحزاني
وكل هموم الدنيا الفانية
تتبدِّدوتكون حاجة تانية
لوخدتيني في حضنك
ثانية
وانا صغيْر كنت أناني
ولا أي حاجة كانت
عجباني
حتى وانا في بطنك
من جوه
كنت عاملك فيها فتوة
إن كنت مقرفص
ولابرفَّس
أي قعدة مهش عجباني
وانتي من حبك وحنانك
كل ده ولا شاغل بالك
حاجة واحدة بتشغل
قلبك
خايفة عليا من عُزالك
لايحسدوني
ويعِدوني علي عيالك
نفسي في فرحة تطولها
إيديا
أكيدساعتها هتفرحي ليا
وهتبقى مني ليكٍ
هدية
لما هشوف الفرحة في
عينك
قبل كمان ماتشوفها
عينيا
نفسي في يوم أغسل
أحزانك
واداويكٍ من كل
جراحك
والقى الفرح مليلك
قلبك
وسعيدة من كل كيانك
لو ملِّكوني الدنيا بحالها
ترخصلك وهوهبهالك
ودي تبقى أقل هدية
ممكن ياأمي أقدمهالك
وهي الدنيا من غيرك
تسوى
داحنا حبينها يادوب
علشانك
ياما وجودك بينا سعادة
والخيرعلى إيدك بزيادة
ولما بحب في يوم على
إيدك
تساوي مني شهر عبادة
بدعاكٍ ربي هيكفيني
ورضاكٍ الجنة يوديني
ومن النار هينجيني
يامه إنتي نورعيني
محمد أبوالحسن