عاميه
" أمـــــي "
بقلم محمد عبدالحميد السيد
أمي يا نبع الحنان
ومفيش حنان غيرك
مهما عطوني حنان
ديما أحن أنا لحضنك
مهما كبرت أو عليت
دا كله من خيرك
كل نبضة من قلبي
تنبض يا أمي بحبك
حبنا يا أمي حب كبير
بيجري في دمي ودمك
مهما انشغلت في دنيتي
علطول شايل أنا همك
مهما يطول البعاد بيننا عمري
ما أستغني في يوم عنك
حبيبتي أنتي وست الكل
مين يقدر يأخد مكانك
حنانك أبدا مفيش زيه
والطيبة هي عنوانك
الحب بيجري في
دمنا من شرياني لشريانك
بعشق صوتك وطلتك
ومشتاق أبوس إيدك
ربنا يطول في عمرك
ونحتفل كلنا بعيدك
ربنا يبارك لنا فيكي
ومن الصحة يعطيكي يزيدك
وتشوفي ولادي وولادهم
يتربو زينا علي إيدك
تسقيهم من نبع حنانك
ويشوفو الهنا على إيدك
يا عنوان الطيبة الحنان
كله بيجري في وريدك
بقلمي محمد عبدالحميد السيد
جمهورية مصر العربية