حزمت شنطتى
بقلم الشاعر/ محمد غبن
شاعر آل غبن
25/11/2020
حزمت شنطتى ع السفر
وبكيت علي حبي اللى راح
كفايه عليا اللي تحملته
وعشته من آسى و جراح
الحب ساكن بينا كنا بنشوف
نوره مع شقشقة الصباح
كنت حنينه عليك أكتر
وأنت معملتليش كرامه
الحب معناه راقى بيخلى
للنفوس هيبه وعلو وقامه
هي دي أنبل مافيه بيسيب
ف النفس وقدام الناس علامه
لكن خلاص من غير وداع علي
عمر ضاع روح يلا مع السلامه
ياما حكيتلى عن اساطير
حبك وللأسف معملتيش مكانه
وأنت عارف ياما إتحملت
لكنك مصمم علي كبرك وعنادك
أنا حبيتك حب وعاملتني بكبر
وأنانيه وكإني جاريه من خدامك
قولت اختصر الطريق
وابعد واسيبك بكبرك في مكانك
أكيد لما تلاقي نفسك وحدك
هتندم وساعتها هيسيبك زمانك
إنت اللي ماحافظتش تستحق
يلي عيش بجهل فكرك و دماغك