عاميه
* يلا يا دنيا *
بقلم محمد عبدالحميد السيد
يلا يا دنيا فرحيني
واسعدي أوقاتي
كفاية سنين كتيرة عدت
بين حزني ودمعي وأهاتي
دا انتي يا دنيا
كثير طلعتي صوت صرخاتي
اعملي حاجة حلوة تخليني
أحقق كل امنياتي
يلا يا حلوة
نودع الحزن وكل اهاتي
يلا نفتح صفحة جديدة
وننسى اوجاعي و ذكرياتي
طول عمرك واخدة
مني موقف
وفرحانة بدمعاتي
يلا يا حلوة نفرح سوى
ونحقق اجمل امنياتي
هاتي يا دنيا افراحك
انسى الحزن يلا هاتي هاتي
يلا يا حلوة خوديني في
حضنك ونسيني دمعي واهاتي
عايز أعيش يومين متهني
نسيني احزاني وذكرياتي
العمر بيجري بسرعة
هاتي يلا أفراحك هاتي
يلا يا حلوة هاتي واديني
فرح وزغاريد وشربتات
عايز أعبر عن فرحتي
واكتب كل كلماتي
هاكتب واكتب فرح
وهنا وخير ومسرات
مش هاكتب عن حزن تاني
مش هاكتب عن دمعاتي
يلا خوديني في حضنك
نسيني احزاني وأهاتي
بقلمي محمد عبدالحميد السيد
جمهورية مصر العربية