أبيِّن زِين أبيِّن
أبيِّن زِين أبيِّن
واوَشوِش ألواااااادع
إللي نفسه في عروسة
حلوة
وإللي عاوزه عريس
جااااااااادع
بنقرّب البعيد
ونحرّرالعبيد
وكل يوم جديد
وبنعمل البِدَع
................
تعالِي ياسِت يابتاع
الودع
.................
على عيني ياجدع
إرمٍي بياضك وقوللي
مالك
وإيه اللي فيك إتوجع
.................
قلبي بينقح عليّا
وروحي واقعة في
رِجليَّه
ومش عارف أنام
من شِدِة الفزع
................
تعالَى ياحِيلة وبطّل دلع
خُد وشوِش الودع
وقوله عاللي فيك
وماتبقاش دِلِع
وجهِّز البقشيش
واوعَى تقول مفيش
لاأزيدك من الوجع
................
طيب ياستي
أدٍينى وشوِشت الودع
قوليلي عاللي فيه
قلبي هيتخلع
-----------‐-----
نجمك عالي والله
ياحيلة
والسعد هثشُوفُه ألليلة
وهيبقالك عِزوة وعِيله
هيجوِّزك واحدة طويلة
هيَّه هابله وماسكة
طبلة
لكن قلبها طيب وأصيله
ورزقها واسع بس عويلة
وهتملالك الدار عِيال
كل فُولة ياخويا ولها
كيّال
داهيَة تقْطع الكُل كلِيلَه
ياله يااخويا أنا بشَّرتك
وفقعت مرارتك
جهزحالك وأعمل هُلِّيله
خلينا نشوف أكل عيشنا
يُووووه نسِيتني جَتَك
نِيله
إطلع بالحلاوة
ياابوطويله
وابين زين أبين
واوشوش
الوااااااااااااااااادع
محمدابو الحسن