في ذكرى أبي.
بقلم ماهر محمود
احزن عليك
أحزن عليك عمري.
كنت سندي وظهري.
في حنيتك يابا.
ماشفت طول عمري.
احزن عليك
القلب بات موجوع.
والعين ماليها دموع.
بس الفراق مكتوب.
والنار بين الضلوع.
يارب إديني الصبر.
الحزن مش ممنوع.
أحزن عليك.
كنت أشتكيلك همي.
تطبطب عليه تسمي.
وإن دارت الايام
ولايوم تخيب ظني.
في الدنيا زيك مين
حبه بيجري في دمي.
أحزن عليك.
أرقد بقي في سلام.
هادعي رب الأنام
يغفر كل ذنوبك.
ويستر كل عيوب.
وتعيش حياه كريمه.
في جنه الرحمن.
أحزن عليك عمري.
كنت سندي وظهري
في حنيتك يابا.
ماشفت طول عمري.
احزن عليك.