مِسكت القَلم
بقلم محمد عنانى
لَما مِسكت القلم
وجِيت عَشان أكتب
لقيته حتى القلم
زعلان وجَاى يِعتِب
بِيقولى لِيه الألم
دَايما بِيتسَرسِب
جُوا الحروف إنسَجَم
وِكِإنه مِترتِب
وِلِيه كمان الندم
والحُزن لِيِه تكتب
لَو حتى حظك بَرَم
والدنيا تِتكَركِب
إرمى حمول الأسا
دايما ورا ضَهرك
مهما يكون الشقا
واقصد كريم ربك
ومنه بس الرجَا
سَلِم إِلِيه أمرك
لو حتى ساعة رِضَا
أكيد يِزول كَربك