لسه الكلام ..
للشاعر :عاطف محمد
يا أمة الاسلام
ماخلصش لسه الكلام
لساه بيشلب دم
لساه بيحمل هم
لساه جوه العروق
بيغلى فينا الدم
مش كفايه نقاطع
مش كفايه نثور
لازم يبقى لنا موقف
مولود بقلب جسور
نخلص مابين الذات
للعلم نعلى رايات
نصوم عن الإهمال
نحارب التبعية
نكون أمجاد زمان
بالعدل والحرية
نفتح خطوط الوحدة
نرفع رايات النصر
نتعاهد على التغيير
مايموتش بينا ضمير
حب الرسول مش كلمة
وخطاه رسالة همه
تستاهل الترحال
نرحل لدنيا الصفا
ونكون معاه صادقين
ونعيش ف قلب الدفا
جوه الحنين بحنين
ونخلى إسلامنا
دنيا ودين واصلين
نزرع بذور الحق
ف غيطان برارى الأرض
نحصد حصادك
يارسول الله
نبقى ولادك
بحق شرع الله
نصبح طوفان للنور
ينور الظلمات