عاميه
عايز اعيش
بقلم محمد عبدالحميد السيد
يا بلدي يا عجيبة للحق ما بتديش
من زمان ع الحال دا ثابته ما بتتغيريش
مش مرتاح فيكي غير بلطجي او بتاع الحشيش
اللي ماشي عدل خليتي جريه يروح على مفيش
طب واخرتها معاكي اوضاعك معانا ما ترضيش
المهندس عالرصيف فارش علشان يقدر يعيش والجاهل واخد حقه وزيادة ومتربع نافش الريش
باحث دكتوراه وشقيان علشان رغيف العيش
ايه الحكايه يا بلدي هو انتي ايه ما بترحميش
يا بلدي فين الرحمه والا انتي عنها ما سمعتيش
كل واحد فينا عايز حقه عايز يعرف يعيش
تعبنا بكل امانه من الاهانه ومن كتر التطليش
ارحمينا حرام عليكي كفاية بقى ما تفتريش
نجيب الصبر منين صبري راح واللي راح ما بيجيش
من زمان بصرخ باعلى صوت بقولك عايز اعيش
ولا حد حاسس ولا سامع الحقنا يا شاويش
عايز اقولك واخرتها يا بلدي احنا ولادك وبنحبك
بس عمايلك دي
يارب وحدك عالم بينا وانت العدل وزي عدلك مفيش
يارب يا سامع دعانا ارحمنا يارب من التلطيش
انا عايز اعيش
بقلمي محمد عبدالحميد السيد
جمهورية مصر العربية
mohamed Abdelhamid Mohamed